Jabur 120 (Mazmur 120)

Prajanjian Lawas

Dioyak-oyak ing paekan

¹Kidung jiyarah.
Sajroning karubedan aku sesambat marang Pangeran Yehuwah, banjur disembadani: ²“Dhuh Yehuwah, Paduka mugi karsaa nguwalaken kawula saking lambe ingkang cidra, saking ilat ingkang dora-cara.” ³Apa kang bakal diparingake marang kowe, sarta kowe diparingi tambahan apa, he ilat kang dora-cara? ⁴Panahe prawira kang landhep, tuwin mawane kayu arar. ⁵Cilaka aku amarga kudu manggon kaya wong manca, kaya wong ngamanca ana ing tanah Mesekh, awit kudu manggon ana ing antarane kemahe bangsa Kedar! ⁶Wus cukup suwe pamanggonku awor karo wong kang padha sengit marang karukunan. ⁷Aku iki dhemen rukun, nanging saben ana pangucapku, wong ing kono banjur padha ngajak perang.